ශ්‍රී ලංකා අය වැය 2015

පහත තොරතුරු උපුටා ගත්තේ පැරා ගේ අඩවියෙන්  http://www.w3lanka.com/2015/12/blog-post_5.html

මෙහිදී ඉතා වටිනා තොරතුරු සමුහයක් මතුකර පෙන්වීමට උත්සාහ කරමි

//

සෙල්ලං සේනDecember 5, 2015 at 8:25 AM

මම ජනවාරි 8 වන දා මෛත්‍රීපාලටත්, අගෝස්තු 17 වන දා රනිල්ටත් ඡන්දය දුන් කෙනෙක්. එහෙම ඡන්දය දුන්නේ රටේ යහ පාලනය සහ ප්‍රජාතන්ත්‍රවාදය ස්ථාපිත වී අඩු තරමේ ගිනිකොණදිග ආසියානු රටවල ජීවන තත්ත්වයවත් මේ රටේ ඇති වේ යැයි බලාපොරොත්තුවෙන්. දැන් හොඳටම පැහැදිලියි රනිල් ඇතුලු නඩය ඔවුනට ඡන්දය දුන් ජනතාව මහා රැවටීමකට ලක් කර ඇති බව. වසර ගණනාවක් තිස්සේ වාහනයක් මිළ දී ගැනීමේ සිහිනය කුඩු කළ මේ රජයට විරෝධය පෑමක් වශයෙන් මීළඟට එන පළාත් පාලන ශ පළාත් සභා මැතිවරණවලදී ඒකාබද්ධ විපක්ෂයට ඡන්දය දීමට මම තීරණය කළා.



සෙල්ලං සේනDecember 5, 2015 at 10:44 AM
ලංකාව කාර්මිකකරණය වන එක නැවතුනේ මෙරට මාක්ස්වාදීන්ගේ ක්‍රියාකාරකම් නිසා. 1988/89 සමයේ ඒ මාක්ස්වාදීන් බිහි කළ අවජාතක දරුවන්ගේ ක්‍රියාකාරකම් නිසා රටේ ආර්ථිකය අවුරුදු 15 ක් පසුපසට ගිය එක කවුරුත් දන්නා කාරණයක්.

මම නිතරම රට වටා යන කෙනෙක්. කෝටි ප්‍රකෝටි ගණන් මුදල් වියදම් කොට තනන මහාමාර්ග පිට පළාත්වල බොහෝ විට හිස්. ඒ තියා අධිවේගී මාර්ගත් බොහෝ විට හිස්. කොළඹ වාහන තදබදයක් තියෙන නිසාවෙන් තදබදය නැති පළාත්වල ජනයාට වාහන මිළදී ගැනීමට ඇති අයිතිය නැති කරන්නේ ඇයි? කොළඹ තදබදය වැඩි නම් කොළඹ නගරයට ඇතුල් වන සෑම වාහනයකින්ම රුපියල් 2000 ක් අය කර ගන්නකෝ. සෑම කෙනාටම කාරයක් තිබෙන රටවල කරන්නේ එහෙමනේ.

MaxDecember 5, 2015 at 12:23 PM

මේ ආර්තික අර්බුධය කොහොමත් රටට එන්න තිබ්බ එකක්...
රාජපක්ෂලා ඒක දන්න නිසා තමා අවුරුදු 2 කලින් චන්දෙ තිබ්බෙ..
ඇයි මරා ඇලඩින්ගෙ පුදුම පහන ගෙනල්ල චීන ණය ගෙවන්නද? ඇයි ණය අරන් ප්ලේන් නො එන එයාපෝට්, මාසෙකට නැව් 10 එන්නැති වරායවල් හැදුවෙ? මරා රටට විදේෂ් විනිමය ගෙන ආ හැකි එක කර්මාන්ත පුරයක් හැදුවද? ගෘහ සේවිකාවො වෙනුවට බුද්ධිමය ශ්‍රමය අපනයනය කල හැකි (ඉන්දියාවේ බැංගලෝර් වල තියෙනව වගේ ) BPO centres හදන්න උදව් කලාද?

MaxDecember 5, 2015 at 12:13 PM
ආර්තික අර්බුධයට හේතුව මරා පිස්සෙක් වගේ අවුරුදු 10 තිස්සෙ චීනෙන් ණය ගැනීම, ඊලගට ඉතා විෂාල රාජ්‍ය සේවයක් අනවශ්‍ය තරමේ දීමනා එක්ක ඇතිකිරීම...
ඊලගට මරා ඇතිකරපු දූෂිත දේශපාලන පැලැන්තිය

Ajith Perakum JayasingheDecember 5, 2015 at 12:31 PM
එහෙත්, අධික වාහන තදබදය හා රටේ මුදල් නිරර්ථකව පිටරට යන එක වළක්වන්නට වාහන භාවිතය අධෛර්යය කිරීම මේ වෙලාවේ කරන්නට සිදු වන දෙයක්.

මේ රටේ මේ වෙලාවේ තිබෙන ලොකුම ප්‍රශ්නය මේක නෙමෙයි. එය එක්තරා හයියෙන් කෑගහන්න පුළුවන් මිනිසුන් පිරිසකගේ ප්‍රශ්නයක්. දුප්පතුන්ට ඔයිට වඩා ඕනැ තරම් ප්‍රශ්න තියෙනවා.
//

මෙහි සිටින සියලු දෙනා ඉතා ප්‍රගතශීලි මෙන්ම ආත්මාර්ථකාමී යෝජනා ඉදිරිපත් කරනබවයි මගේ හැගීම.

මුලින්ම අපිට සිදුවී ඇත්තේ කුමක්දැයි බලමු (කරුණාකර ප්‍රයෝගික පැත්ත වගේම රටගැනත් ඉදිරි වසර 20 ගැනත් අවංකව හිතන්න )
 
http://www.economist.com/content/global_debt_clock

ශ්‍රී ලංකාවත්, ඉන්දියාවත්, ඔස්ට්‍රීලියාවත් තෝරාගන්න.
2003 public debt for person $993.51 එනම් නිදහස ලැබූ දිනයේ  සිට  2003 දක්වා ශ්‍රී ලංකාව එකපුද්ගලයකු ණය වී ඇත්තේ $993.51 නමුත්
2014 public debt for person $2503.61 වී ඇත. එනම් $1510.10 වැඩිවී ඇත
අප 2009 සිත 2014 තෙක් මෙහි වැඩිවීම public debt for person $717.26 වසර 5 වැනි සුළු කලකින් මෙම අගය
වැඩිවී ඇත.

මහින්ද  රජයේ  හොදකියන පුද්ගලයකු කියයි  2003 දී එක පුද්ගල ණය දල දේශීය නිෂ්පාදිත යෙන් ප්‍රතිශත ලෙස 101.7% වූ අගය 2014 දී 80.9% අඩු වූ බවය. නමුත් මෙහි මායාව ඇත්තේ ඩොලර් මිලියන 250 වියදම් වන ආයෝජනයට ඩොලර් මිලියන 750 වියදම් කරයි නම්  සත්‍ය ලෙස  දේශීය නිෂ්පාදිතය වැඩිවී ඇත්තේ ඉතා සුළු ලෙසයි, දැන් නිවැරදි එක පුද්ගල ණය දල දේශීය නිෂ්පාදිත යෙන් ප්‍රතිශත ලෙස ගත හොත් එය 80.9% නොව සමහර විට 500% හෝ 600% වියහැකියි.  

අනෙක් ප්‍රධාන ප්‍රශ්නය ඔබ ඔස්ට්‍රේලියාව ගත්තොත් ඒකපුද්ගල ණය 2015 දී $16786.39 එය ශ්‍රී ලංකාවේ $2617.73 දැන් ඔබට ආඩම්බරයක් ඇතිවනු ඇති අපි ඕස්ට්‍රේලියාවටත් වඩා ණය අඩුවෙන් නේද ගත්තේ කියල.

නමුත් මෙහි ඇත්ත තත්වය ඕස්ට්‍රේලියාවේ මුළු ණය දලදේශීය නිෂ්පාදනයෙන් ප්‍රතිශත ලෙස 27.4% වන විට ශ්‍රී ලංකාව එම අගය 81.4%
නමුත් මේ 81.4%  ත් නිවරදි අගය නෙමෙයි.

අනෙක් පැත්තෙන් ඔස්ට්‍රේලියාව ණය ලබාගෙන කරන ලද ආයෝජන වලින් විශාල ප්‍රතිලාභ ලැබෙන අතර ශ්‍රී ලංකාව ණය ලබාගෙන කරන ලද ආයෝජන මුලික ලෙස මහාමාර්ග සහ සම්පුර්ණ නොකරන ලද වරාය සහ මත්තල ගුවන් තොටුපොල වැනි අසාර්ථක ආයෝජන නිසා මුදල් ජනනය නොවේ.

දැන් අපි පැමිණ සිටින්නේ ඉතාම අවදානම් සහිත තැනකටයි මීට පෙර මා මෙය විස්තර කරලා තියනවා, බොහෝ දෙනාට පැරා "ආර්ථික නිදහස කියන්නේ මැද පෙරදිග ගල් ගැසුම් කන ගෘහ සේවිකාවන් උපයා එවන මුදලින් වෙනත් අයට සැප විඳින්නට වාහන ආනයනය කරන එක නම්, ඒ ආර්ථික නිදහස නැති කරන එකට මම පක්ෂයි." කියන හරුපය තේරෙන්නේ නෑ 

මේ කියන්න දේ තේරුම් ගැනීමට අපි පහත විස්තරය සලකාබැලිය යුතුයි.

එනම් ඔබ හිතන්න ඔබ කන බොන දේවල් ශ්‍රී ලංකාවේ පමණක් නිපදවන දෙය ද ? එහෙම නිපදවුවත් පිටරටින් ආනයනය කල යෙදවුම් වල වටිනාකම කොපමණද? හරියට බැලුවොත් අපි කන සහල් පවා නිපදවීමට සැලකියයුතු යෙදවුම් (පොහොර, කෘමිනාශක ) පිටරටින් ගෙන්විය යුතුයි, එතකොට  අදින ඇදුම් වල රෙද්දේ සිට නුල ඉදිකට්ට දක්වා සියල්ල ආනයනය කරමු.

ඔබ නිකමට කඩයකට හෝ පොළකට ගොස් කොපමණ දේවල් ඔබ ශ්‍රී ලංකාවේ නිපදවන දෑ මිලදී ගන්නවද ඔබේ පාවිච්චියට ගන්නවද කියල බලන්න.

අද වනවිට මුළුමුනින්ම අපි සියල්ල පිටරටින් ආනයනය කරන තත්වයට පත්වී හමාරයි.

ප්‍රශ්නය මේ සියලු දෙයම ආනයනය කිරීමට අපි ලංකාවේ මහබැංකුව අච්චු ගසන රුපියල් ශත වලට හැකියාවක් නෑ  එයට ඩොලර් උවමනා කරනවා.

අපිට ඩොලර් ලැබෙන ක්‍රම කීපයයි ඇත්තේ

01. විදේශික ශ්‍රමික යන් මැදපෙරදිග සිට එවන මුදල්
02. අපනයන ආදයම
03. ශ්‍රී ලංකාව ගන්නා විදේශ ණය
04. ශ්‍රී ලාකික වුර්තිකයන්  ශ්‍රී ලංකාවට ගෙනෙන ඩොලර්
05. ශ්‍රී ලංකාවට විදේශ වලින් ලැබෙන ප්‍රධාන
06. විදෙස් ආයෝජන

වැනි දේවල් වලින් තමයි අපට ඩොලර් ලැබෙන්නේ. දැන් හිතන්න විදේශයක සේවය කරන ගෘහ සේවිකාවක් ඇගේ සැමියාට ඩොලර් 500 එව්වා කියල එම ඩොලර් 500 කිසිවිටක ඇගේ සැමියාට ලැබෙන්නේ නෑ (මොකද්ද ඒ හරුපේ ) සිදුවන්නේ එම ඩොලර් 500 ශ්‍රී ලංකාවේ ඩොලර් සංචිතය වර්දනයට එම මුදල යොදවන අතර ශ්‍රී ලංකාවේ මහබැංකුව විසින් මුද්‍රණය කරන රුපියල් ඇගේ සැමියාට ලබාදීමයි.

එතකොට මේ විනිමය සංචිතය යොදාගන්නේ යම් විදියකින් අපි භාණ්ඩයක් ආනයනය කරනවානම් හෝ වාහනයක් ආනයනය කරනවානම් අදාළ විදේශ සමාගමට ගෙවන්නේ රුපියල් වලින් නෙමෙයි ඩොලර් වලින්, එතකොට විශාල පිරිසකට වාහන ගෙන්වීමට අවසර දෙනවා කියන්නේ අපට මුලින්ම විශාල වෙදේශ විනිමයක් වැයවන අතර ඒවා සදනා පෙට්‍රල් වලට ඊට වැඩි විනිමයක් ගෙවීමට සිදුවෙයි.

//සෙල්ලං සේනDecember 5, 2015 at 10:44 AM මම කාරයක් ගන්න මුදල් උපයලා තියෙන්නේ මගේ සේවාවන් කෙළින් ම පිටරටවලට අපනයනය කිරීමෙන්. මැද පෙරදිග සේවක සේවිකාවන් එවන මුදල් මට අදාළ නැහැ. ඒ නිසා ම මට නරක හෘදය සාක්ෂ්‍යයකුත් නැහැ. //
මෙන්න හොද කතාවක් මෙය කියන  "සෙල්ලං සේන" වගේ ම මේ ලිපිය ලියන මමත් (lankasithuwili.) ශ්‍රී ලංකාවෙන් උපයන රුපියල්  ආදායම් ඉතා සුළු ප්‍රමාණයක් මගේ මුළු ආදායමෙන් සමහර විට 10% වන්නේ නෑ.

නමුත් අපි මතක තබා ගතයුතුයි මේ පහසුකම් ලබන බහුතරය එසේ නොවන බව.

රාජ්‍ය සේවය මුලිමනින්ම පාහේ ඩොලර් උපයාගැනීමට කල දායකත්වය සමහර විට 1% නැතුව ඇති.

හිතන්න මැදපෙරදිග දුක්විදින ඇත්තටම මේ සංචිතය වර්දනය කිරීමට දායක වූ ගැහැනුන්ට ලැබිල තියන පහසුකම මොකද්ද?     

දැන් // Max මේ ආර්තික අර්බුධය කොහොමත් රටට එන්න තිබ්බ එකක්.. // කතාව බැලුවොත් සම්පුර්න ඇත්ත රාජපක්ෂ පාලනය දිගටම පැවතුණා නම් සිදුවන දෙය බිහිසුණුයි. ඔහු වසර 2 තිබියදී චන්දය ඉල්ලන්නේ එන පොට හෝද නැති නිසයි නැතුව සුමනදාස තුමාගේ අවවාදය නිසා නෙමෙයි.

දැන් බලමු සිදුවන දෙය මෙහි වැදගත්ම මුදල් සෙවීමේ මාර්ගය ට යතුර වන්නේ ඩිගිටල් හැදුනුම් පතයි. මින් පසු අලුත ඉපදුන දරුවකුට අංකයක් ලබාදෙනු ඇති මේ සියල්ලම පරිගණක ගතකරන අතර ඔබ මුදල් ගෙවීමේ දී අදාළ අංකය යොදාගන්නා අතර ඔබේ ණය පත් බැංකු ගිණුම් සියල්ලම එකෂණයකින්
අදාළ අංකය දේශීය ආදායම් දෙපාර්තමේන්තුව තුල ඇති පරිගනකයක ඇතුළු කල විට ඔබට වසරේ ඇති සියලු ආදායමත් සියලු වියදමත් ගණනය කර ගෙවිය යුතු බදු මුදල ගෙදරටම එනු ඇති.

මෙය යොදාගන්නේ ඉහල මද්‍යම පන්තියෙන් බදු අය කිරීමටයි. මෙහිදී ඉහලම ආදායම උපයන මිනිසුන් මිට පෙර ගෙවූ බද්දට වඩා බදු ගෙවනු ඇති උනත් ඔවුන් ලෝකයේ ඇති නවතක්ෂණික උපක්‍රම මගින් රටින් මුදල් ඉවත් කරනු ඇති.

ලෝකයේ මෙපිලිබද ඇතිවුන නවීනම තක්ෂණය නම්

මේ පිළිබද වෙනම ලිපියකින් පැහැදිලි කරන්නම්

මෙහිදී සිදුවන්නේ ඉහලම පිරිස තම ආදායම බදුවලට අසු නොවන පරිදි ආරක්ෂා කර ගැනීමයි. මෙවැනි තක්ෂණික උපායන් ගැන සාමාන්‍ය ජනයාට ලැබෙන අවස්ථාව අවමයි.

මිට අමතරව ඔබට ඉදිරියේදී දැකගත හැකිවෙයි  රේගුව සම්පුර්ණයෙන්ම පරිගණක ගත කිරීමක් සිදු නොවනු ඇති. මක්නිසාද යත් මෙරටේ ඉහලම ධනපතියන් ආදායම සොයාන්ගන්න පාවිච්චි කරන මෙවැනි මෙවලම් කීපයක් ආරක්ෂා වනු ඇති.

මේවගේම රජය ඉතා හොද තීරණයක් ගෙන තිබෙනවා බදු ප්‍රමාණය ලක්ෂ 25 පමණ ඉහල නැංවීමට මේ මගින් සිදුවන්නේ ආදායම් නිලදාරීන්ට මුදල් ඇති පුද්ගලයන් පිලිබද යන කාලය අවම කිරීමයි. දැන් ඔවුන් දන්නවා තම අවදානය තබා ගතයුතු පුද්ගලයන් කවුද කියා මෙනිසා මෙම ඩිගිටල් හැදුනුම් පත සමග ඉහත යෝජනා සලකා බැලීමේදී වැඩි බදු ප්‍රමාණයක් අයකර ගත හැකි බවයි මගේ අදහස.  

කෙසේවෙතත් සාමාන්‍ය දුප්පත් ජනයාගේ පැත්තෙන් සිදුවීමට ගිය අනතුරට වඩා යහපාලනය බොහෝ දුරට හානිය අඩු උනත් මහජනයා මෝඩ විදියට (කලයුතු ප්‍රති සංවිදාන පිළිබද ) දිගින් දිගටම රජයට බල කිරීම නොකලොත් මේ රජයත් ඉදිරියට ජනතාව සුරාකනු ඇති.